Mashg'ulotlar trekeri

Foydalanuvchilarga o'z mashg'ulotlari va natijalarini kuzatib borish imkonini beradigan ilova.

Bu loyihada mashg'ulotlar trekeri ilovasi uchun backend tizimi yaratiladi. Unda foydalanuvchilar ro'yxatdan o'tishi, tizimga kirishi, mashg'ulot rejalarini tuzishi va o'z natijalarini kuzatib borishi mumkin. Tizimda JWT authentication, mashg'ulotlar uchun CRUD operatsiyalari hamda o'tgan mashg'ulotlar bo'yicha hisobotlar generatsiya qilish imkoniyati bo'ladi.

Talablar

Siz foydalanuvchilarga o'z mashg'ulotlarini boshqarish va natijalarini kuzatib borish imkonini beradigan mashg'ulotlar trekeri ilovasi uchun API ishlab chiqishingiz kerak. Birinchi vazifangiz — ilova funksionalligini ta'minlash uchun kerak bo'ladigan database schema va API endpoint'lari haqida o'ylab chiqish. Quyida e'tiborga olishingiz kerak bo'lgan asosiy imkoniyatlar keltirilgan:

Mashqlar ma'lumotlari

Ma'lumotlar bazasini mashqlar ro'yxati bilan to'ldirish uchun data seeder yozishingiz kerak. Har bir mashqning nomi, tavsifi va kategoriyasi (masalan, kardio, kuch, egiluvchanlik) yoki mushaklar guruhi (masalan, ko'krak, orqa, oyoqlar) bo'lishi kerak. Mashqlar mashg'ulot rejalarini tuzish uchun ishlatiladi.

Foydalanuvchi authentication va authorization'i

Foydalanuvchilar ilovada ro'yxatdan o'tishi, tizimga kirishi va tizimdan chiqishi mumkin bo'ladi. Authentication va authorization uchun JWT'lardan foydalanishingiz kerak. Faqat authentication'dan o'tgan foydalanuvchilar mashg'ulot rejalarini yaratishi, yangilashi va o'chirishi mumkin bo'lishi kerak. Aytish shart emaski, foydalanuvchilar faqat o'z mashg'ulot rejalariga kira olishi kerak.

Ro'yxatdan o'tish: Foydalanuvchilarga akkaunt yaratish imkonini bering.
Tizimga kirish: Foydalanuvchilarga o'z akkauntiga kirish imkonini bering.
JWT: Authentication uchun JSON Web Token'lardan foydalaning.

Mashg'ulotlarni boshqarish

Foydalanuvchilar o'z mashg'ulot rejalarini tuza oladi. Mashg'ulot rejalari bir nechta mashqdan iborat bo'lishi kerak va har bir mashq uchun takrorlar soni, setlar soni va og'irliklar belgilanadi. Foydalanuvchilar o'z mashg'ulot rejalarini yangilay va o'chira olishi kerak. Bundan tashqari, foydalanuvchilar mashg'ulotlarni ma'lum sana va vaqtlarga rejalashtira olishi kerak.

Mashg'ulot yaratish: Foydalanuvchilarga bir nechta mashqdan iborat mashg'ulotlar yaratish imkonini bering.
Mashg'ulotni yangilash: Foydalanuvchilarga mashg'ulotlarni yangilash va izohlar qo'shish imkonini bering.
Mashg'ulotni o'chirish: Foydalanuvchilarga mashg'ulotlarni o'chirish imkonini bering.
Mashg'ulotlarni rejalashtirish: Foydalanuvchilarga mashg'ulotlarni ma'lum sana va vaqtlarga rejalashtirish imkonini bering.
Mashg'ulotlar ro'yxati: Faol yoki kutilayotgan mashg'ulotlarni sana va vaqt bo'yicha saralangan holda ro'yxat ko'rinishida chiqaring.
Hisobotlar generatsiya qilish: O'tgan mashg'ulotlar va natijalar bo'yicha hisobotlar generatsiya qiling.

Cheklovlar

Dasturlash tili va ma'lumotlar bazasini o'zingiz bemalol tanlashingiz mumkin. Database schema, API endpoint'lari va amalga oshirishning boshqa tafsilotlari bo'yicha aniq qarorlarni o'zingiz qabul qilasiz. Biroq quyidagi cheklovlarni hisobga olishingiz kerak:

Ma'lumotlar bazasi: Foydalanuvchi ma'lumotlari, mashg'ulot rejalari va mashqlar ma'lumotlarini saqlash uchun relational ma'lumotlar bazasidan foydalaning.
API: Ma'lumotlar bazasi bilan ishlash uchun RESTful API ishlab chiqing.
Xavfsizlik: API endpoint'larini himoya qilish uchun JWT authentication'ni amalga oshiring.
Testlash: Kodingiz to'g'ri ishlashini ta'minlash uchun unit test'lar yozing.
Hujjatlashtirish: OpenAPI spetsifikatsiyalari haqida o'rganing. API endpoint'laringizni hujjatlashtiring va ulardan qanday foydalanishga misollar keltiring.

<hr />