Pomodoro taymeri

Ushbu loyihaning maqsadi — Pomodoro texnikasiga asoslangan samaradorlik vositasi bo'lgan Pomodoro taymerini yaratish orqali frontend development ko'nikmalarini o'rganish va mashq qilish. Pomodoro texnikasi — vaqtni boshqarish usuli bo'lib, unda ish taymer yordamida qisqa tanaffuslar bilan ajratilgan oraliqlarga (odatda 25 daqiqa) bo'linadi.

Talablar

Siz o'zingiz tanlagan frontend freymvork (masalan, React, Vue yoki Angular) yordamida Pomodoro taymeri veb-ilovasini yaratasiz. Ilova uchun talablar ro'yxati:

• Foydalanuvchi pomodoro taymerini boshlash, to'xtatish va davom ettirish imkoniga ega bo'lishi kerak.
• Foydalanuvchi standart oraliqlar sozlamasini o'zgartira olishi kerak; standart holatda ish sessiyasi 25 daqiqa, qisqa tanaffus 5 daqiqa, 4 ta ish sessiyasidan keyingi uzoq tanaffus esa 15 daqiqa bo'lishi kerak.
• Ilova joriy sessiya turini (masalan, Ish, Qisqa tanaffus, Uzoq tanaffus) ko'rsatishi kerak.
• Shuningdek, u bajarilgan ish sessiyalari sonini hisoblab borishi kerak
• Sessiya tugaganda foydalanuvchini xabardor qilish uchun ovoz chalinsin.
• Ilova ham desktop, ham mobil qurilmalarda accessible va ko'rinishi jozibali bo'lishini ta'minlang.

UI bo'yicha ilhom olish uchun mavjud pomodoro ilovalaridan foydalanishingiz mumkin, masalan:

• time.fyi - Pomodoro Timer
• Pomofocus - Pomodoro Tracker

Texnik talablar

• HTML, CSS va JavaScript'dan (yoki React, Vue, Angular kabi frontend freymvork/kutubxonadan) foydalaning.
• Taymer va sessiyalarni hisoblash uchun state management'ni amalga oshiring.
• Modulli va qayta ishlatiladigan kod tuzilmasidan foydalaning.
• Accessibility standartlariga to'g'ri rioya qiling (masalan, klaviatura orqali navigatsiya, ARIA label'lar).

Ilovani GitHub Pages, Vercel yoki Cloudflare pages'da deploy qilishingiz mumkin

Ushbu loyihani tugatish orqali siz ishlaydigan va moslashtiriladigan Pomodoro taymeri ilovasini yaratish bilan birga frontend development ko'nikmalaringizni oshirasiz. Bu bilimlar sizni murakkabroq loyihalarga tayyorlaydi hamda interaktiv va foydalanuvchiga qulay veb-ilovalar yaratish qobiliyatingizni yaxshilaydi.